Drug-Free Tamil Nadu Awareness Outreach Conducted in Thuvarankurichi
As part of the ‘Drug-Free Tamil Nadu’ campaign, Jamaat-e-Islami Hin....
ஜமாஅத்தே இஸ்லாமி ஹிந்த் – அறந்தாங்கி வட்டம் சார்பில் முன்னெடுக்கப்பட்டு வரும் “போதை இல்லா தமிழ்நாடு” பரப்புரையின் ஒரு பகுதியாக, Laurel Matriculation Higher Secondary School பள்ளியில் மாணவர்களுக்கான போதை ஒழிப்பு மற்றும் போதைப் பழக்கத்தின் தீமைகள் குறித்த விழிப்புணர்வு நிகழ்ச்சி நடைபெற்றது.
இந்நிகழ்வில், ஜமாஅத்தே இஸ்லாமி ஹிந்த் – அறந்தாங்கி வட்ட பொறுப்பாளர் சகோதரி நூருல் ஜெசிமா அவர்கள் மாணவர்களுக்கு விழிப்புணர்வு உரை வழங்கினார்கள்.
மாணவர்களின் எதிர்காலத்தை சீரழிக்கக்கூடிய போதைப் பழக்கத்தின் ஆபத்துகள், நண்பர்களின் தவறான அழுத்தங்களிலிருந்து தங்களை எவ்வாறு பாதுகாத்துக் கொள்வது, நல்ல பழக்கங்களை வளர்த்துக் கொள்வது மற்றும் சரியான வாழ்க்கைத் தேர்வுகளை மேற்கொள்வது போன்ற பல்வேறு முக்கிய கருத்துகள் மாணவர்களுக்கு எளிமையாகவும் பயனுள்ளதாகவும் எடுத்துரைக்கப்பட்டன.
இந்நிகழ்வில் மொத்தம் 400 மாணவ, மாணவிகள் கலந்து கொண்டு பயனடைந்தனர்.
நிகழ்ச்சி நிறைவடைந்த பின்னர், ஆசிரியர்கள் மாணவர்களின் கவனத்தையும், விழிப்புணர்வு உரையின் பயனையும் வெகுவாகப் பாராட்டினர். குறிப்பாக,
“மாணவர்கள் இவ்வளவு நேரம் பொறுமையாக அமர்ந்து கவனித்தது வியப்பாகவும் மகிழ்ச்சியாகவும் இருந்தது. விழிப்புணர்வு உரை மிகவும் சிறப்பாகவும் பயனுள்ளதாகவும் இருந்தது”
என்று ஆசிரியர்கள் பாராட்டினர்.
மேலும், இவ்விழிப்புணர்வு நிகழ்வு மாணவர்களுக்கு மிகவும் பயனுள்ளதாக அமைந்துள்ளதால், பள்ளியின் ஆண்டு விழா ஆண்டு அறிக்கையிலும் இந்நிகழ்வை சிறப்பாகப் பதிவு செய்ய வேண்டும் என்று பள்ளியின் தாளாளர் பாராட்டுடன் தெரிவித்தார்.
இத்தகைய ஒரு விழிப்புணர்வு நிகழ்வு பள்ளியின் அதிகாரப்பூர்வ ஆண்டு அறிக்கையில் இடம்பெற வேண்டும் என்று தாளாளர் தெரிவித்தது, இம்முயற்சியின் சிறப்பையும் பயனையும் வெளிப்படுத்துவதாக அமைந்தது.
மேலும், விழிப்புணர்வு உரையின் சிறப்பையும் பயனையும் பாராட்டும் விதமாக பள்ளி நிர்வாகத்தினர் சால்வை அணிவித்து சகோதரி நூருல் ஜெசிமா அவர்களை கௌரவித்தனர். இது நிகழ்ச்சி ஏற்பாட்டாளர்களுக்கு மிகுந்த நெகிழ்ச்சியையும் ஊக்கத்தையும் அளித்தது.
மாணவர்களின் மனதில் நல்லதொரு மாற்றத்திற்கான விதையை விதைத்து, போதை இல்லாத சமூகத்தை உருவாக்கும் நோக்கில் நடைபெற்ற இந்நிகழ்வு, பள்ளி நிர்வாகம் மற்றும் ஆசிரியர்களின் அன்பான வரவேற்பு, பாராட்டு மற்றும் ஒத்துழைப்பால் சிறப்பாக அமைந்தது.
அல்ஹம்துலில்லாஹ்!
போதை இல்லா தமிழ்நாடு – நம் அனைவரின் பொறுப்பு!
விழிப்புணர்வை ஏற்படுத்துவோம்; போதையில்லா தலைமுறையை உருவாக்குவோம்!
விழிப்புணர்வை ஏற்படுத்துவோம்; போதையில்லா தலைமுறையை உருவாக்குவோம்!
.jpeg)
.jpeg)
.jpeg)
