Neighbourhood Outreach Programmes Conducted in Three Localities of Nagercoil
As part of the Neighbourhood Campaign, the Jamaat-e-Islami Hind Wom....
"வாணியம்பாடியில் நடைபெற்ற ராபிதத்துல் உலமா மாநில மாநாடு"
300-க்கும் மேற்பட்ட உலமாக்கள் பங்கேற்பு
வாணியம்பாடி | 13.08.2026
– “كُونُوا رَبَّانِيِّينَ
ரப்பானிய்யீன்களாக இருங்கள்” என்ற மையக் கருத்தை அடிப்படையாக கொண்டு, ராபிதத்துல் உலமா – தமிழ்நாடு சார்பில் மாநில அளவிலான உலமாக்கள் மாநாடு வாணியம்பாடியில் நடைபெற்றது.
தமிழ்நாட்டின் பல்வேறு பகுதிகளைச் சேர்ந்த 300-க்கும் மேற்பட்ட உலமாக்கள் இம்மாநாட்டில் பங்கேற்றனர்.
சமகாலச் சவால்கள் குறித்து ஆழமான கலந்துரையாடல்
மாநாட்டின் பல்வேறு அமர்வுகளில் இன்றைய சமூகத்தின் முக்கியமான சவால்கள் குறித்து ஆழமான உரைகளும் கலந்துரையாடல்களும் நடைபெற்றன.
குறிப்பாக,
- இளைஞர்களிடையே அதிகரித்து வரும் சீரழிவுப் போக்குகள்,
- போதைப்பொருள் மற்றும் மதுபானப் பழக்கத்தின் தீமைகள்,
- குடும்பங்களில் உருவாகும் பிரச்சினைகள் மற்றும் குடும்பச் சீர்திருத்தம்,
- சமூக நல்லிணக்கத்தை வலுப்படுத்துதல்,
- சமகால சிந்தனைச் சவால்களுக்கு அறிவுபூர்வமான அணுகுமுறை,
- சகோதர சமுதாயத்தினரிடம் இஸ்லாத்தின் செய்தியை அழகிய முறையில் எடுத்துச் செல்லுதல்,
- உலமாக்களின் சமூகப் பொறுப்பு மற்றும் ஆக்கப்பூர்வமான தலைமைத்துவம்
ஆகியவை குறித்து விரிவாக எடுத்துரைக்கப்பட்டது.
"20 உலமாக்களுக்கு சிறப்பு அங்கீகாரம்"
மார்க்கப் பணி,
சமூக சேவை உள்ளிட்ட பல்வேறு துறைகளில் சிறப்பான பங்களிப்புகளை வழங்கி வரும் 20 உலமாக்களுக்கு சிறப்பு அங்கீகார விருதுகள் மாநாட்டில் வழங்கப்பட்டன.
மேலும், இளம் தலைமுறையினரிடையே சிந்தனைத் திறனையும் எழுத்தாற்றலையும் வளர்க்கும் நோக்கில் நடத்தப்பட்ட கட்டுரைப் போட்டியில் வெற்றி பெற்ற 10 பேருக்கு பரிசுகளும் பாராட்டுகளும் வழங்கப்பட்டன.
முக்கியத் தீர்மானங்கள்:
மாநாட்டின் முக்கிய அம்சமாக,
தற்போதைய சமூக மற்றும் அரசியல் சூழலைக் கருத்தில் கொண்டு தயாரிக்கப்பட்ட பல்வேறு முக்கியத் தீர்மானங்கள் வாசிக்கப்பட்டு ஏற்றுக்கொள்ளப்பட்டன.
உலமாக்களின் ரப்பானிய்யத் வளர்ச்சி, இளைஞர்களின் பாதுகாப்பு மற்றும் குணநலன் வளர்ப்பு,
முஸ்லிம் குடும்பங்களின் சீர்திருத்தம், சமகால சிந்தனைச் சவால்களுக்கு அறிவுபூர்வமான பதில்,
சமூக நல்லிணக்கம், உலமாக்களின் ஒற்றுமை,
தற்போதைய அரசியல் சூழலில் நீதி மற்றும் அரசியலமைப்புச் சட்ட விழுமியங்களைப் பாதுகாத்தல், சேவை மற்றும் சமூகப் பொறுப்பு
ஆகியவை முக்கிய இடம் பெற்றன.
ஒருங்கிணைந்து செயல்பட உறுதி
“நன்மையிலும் இறையச்சத்திலும் ஒருவருக்கொருவர் உதவுங்கள்” என்ற திருக்குர்ஆனிய வழிகாட்டுதலின் அடிப்படையில், சமூகத்தின் தார்மீக, அறிவுசார் மற்றும் சமூக முன்னேற்றத்திற்காக ஒருங்கிணைந்து செயல்படுவதற்கான உறுதியை மாநாட்டில் பங்கேற்ற உலமாக்கள் வெளிப்படுத்தினர்.
மாநாட்டில் இடம்பெற்ற உரைகள் அனைத்தும் இன்றைய சமூகச் சூழலுடன் தொடர்புடைய பல்வேறு முக்கிய அம்சங்களை எடுத்துரைத்தன. உலமாக்கள் மார்க்க வழிகாட்டிகளாக மட்டுமின்றி, சமூகத்தின் அறிவு, ஒழுக்கம், நல்லிணக்கம் மற்றும் ஆக்கப்பூர்வமான மாற்றத்திற்குத் தலைமைத்துவம் வழங்க வேண்டிய பொறுப்பும் அவர்களுக்கு உண்டு என்ற கருத்து மாநாட்டில் வலியுறுத்தப்பட்டது.
ராபிதத்துல் உலமா – தமிழ்நாடு
வாணியம்பாடி | 13.08.2026
.jpeg)
.jpeg)
.jpeg)
.jpeg)
.jpeg)
.jpeg)
